Втора година по ред, мексиканските филмаџии ќе имаат водечка улога на доделувањето на наградите на Академијата на подвижни слики и науки, повеќе позната како Оскарите. Aлехандро Гонзалез Ињариту [2], режисер на Птичарот, ја предводи групата. Минатата година [3], таа улога му припадна на Aлфонсо Куарон [4], исто така од Мексико, кој го режираше реномираниот филм Гравитација.
Гонзалез Ињариту е номиниран не само за неговата работа како режисер, туку и како продуцент. Мартин Хернандез се натпреварува за наградата за уредување на звук на истоимениот филм, исто така познат и како Неочекуваната доблест на незнаење или La inesperada virtud de la ignorancia. Eмануел Лубецки [5] (познат како „Козата“) се натпреварува во категоријата за Најдобра кинематографија. Пред една година, тој ја освои наградата за Гравитација.
Невообичаено е што Оскарите го признаваат учеството на Мексиканците во неколку филмови. Додека точно е дека Куарон и Лубецки ја потсетија Академијата и филмската јавност за потенцијалот и талентот на креаторите на филмови од југот на границата на Обединетите Држави, во други прилики каде талентот остана незабележан.
Ова не имплицира дека Гонзалез Ињариту е ново име на листата на номинирани за Оскар. Во 2007, „Црнецот“, како што тој е познат, беше номиниран за наградата Најдобар режисер за филмот Babel [6], но не победи.
Во меѓувреме, Жетварот или La Parka, продуциран од Centro de Capacitación Cinematográfica, A.C. [7],се натпреварува за Оскар за Најдобар краткометражен документарен филм. Ова дело [8]беше напишано и режирано од Габриел Сера Аргуело.
За разлика од Птичарот или Гравитација, Жетварот е мексиканска продукција, додека претходните се продуцирани од меѓународни компании. Продуцентите на Жетварот ја објавија номинацијата на Твитер:
Aquí puedes ver el trailer de #LaParka [9], nominada al Óscar a Mejor Cortometraje Documental. Producción del @CCCMexico [10] https://t.co/7fWHohHJb3 [11]
— El CCC | México (@CCCMexico) January 15, 2015 [12]
Овде може да го погледнете трејлерот за #LaParka, номиниран за Оскар за Најдобар краткометражен документарен филм. Во продукција на @CCCMexico [10] https://t.co/7fWHohHJb3 [11]
Од Никарагва, луѓето ја изразија поддршката за овој краток филм:
Felicidades #gabrielserra [13] #Oscars2015 [14] #LaParka [9]
— Ruth Chavarria (@RUTHGBY) January 15, 2015 [15]
Честитки #gabrielserra [13] #Oскари2015 [14] #Жетварот [9]
Мартин Хернандез ги прими вестите за неговата номинација додека ја емитуваше неговата радио емисија „Такви се работите“, и еве како реагираа неговите колеги:
Así se ve #MartínHernández [16] en la cabina de @WRADIOMexico [17] luego de su nominación #Birdman [18] #Oscars2015 [14] http://t.co/5WyhwWeDub [19]
— Así Las Cosas (@asilascosasw) January 15, 2015 [20]
Ова е #MартинХернандез [16] од просториите на @WRADIOMexico [17]после неговата номинација #Птичар [18] #Oскари2015 [14] http://t.co/5WyhwWeDub [19]
Освалдо Суарез ја искоментира работата на Гонзалез Ињариту:
siempre me ha gustado el trabajo de Gonzales Iñarritu, sobre todo su gran película “Birdman” excelente historia !!
— Osvaldo Suarez (@paul_suco) January 15, 2015 [21]
Отсекогаш сум ја сакал работата на Гонзалез Ињариту, посебно одличната приказна на неговиот одличен филм „Птичар“!!
Осумдесет и седмото годишно издание на Оскарите ќе се одржи на 22 февруари, 2015 во киното Долби во Лос Анџелес. Birdman се натпреварува со уште неколку успешни филмови, вклучувајќи ги The Imitation Game, Selma (базирана на активностите Maртин Лутер Кинг Помладиот [22]) и The Theory of Everything (адаптирано според книга за љубовниот живот на проф.Стивен Хокинг [23]), како дополнување на The Grand Budapest Hotel, Boyhood, American Sniper и Whiplash.
Гонзалез Ињариту, во меѓувреме, се натпреварува за признанието за Најдобар режисер наспроти американските филмаџии како Вес Андерсон (The Grand Budapest Hotel), Ричард Линклејтер (Boyhood), Бенет Милер (Foxcatcher) и Норвежанецот Мортен Тилдум (The Imitation Game), кои се надеваат дека ќе ја освојат наградата. Како што може да се очекува, тоа нема да биде лесна конкуренција за Мексиканецот.