Плачот на Тунижаните, што протестираат против корупцијата и невработеноста во изминативе две недели, добива во интензитет на светската мрежа (World Wide Web). Интернет активисти од целиот свет се собираат да ги поддржат и да ги пренесат нивните повици.

Сè започна кога невработен човек се самозапали во знак на протест против неговата невработеност во Сиди Боузид. Според Лос Анџелес Тајмс:

Смртта предизвика насилен судир помеѓу младите демонстранти и полицијата што резултираше со смрт на осумнаесетгодишник, откако членови на Националната гарда отворија оган на бесните протестанти во едно гратче во близина, два дена подоцна.

Понатамошни маршеви и протести се проширија подоцна во главниот град и градовите Сфакс, Сус и Мекнаси.

Ања Ковач, од Индија, беше во право. Таа објави на Твитер:

Тунис беше сведок на вистински револт изминативе неколку недели, но надвор од Средниот Исток, тоа едвај беше објавено. Зошто? http://bit.ly/he2Let #sidibouzid

Таа додава:

За да дознаете повеќе за случувањата во #Тунис и постојано да добивате нови информации, следете ги @ifikra, @weddady, @nawaat, #sidibouzid

Египќанецот, Ваел Нофал, поставува слично прашање во овој пост на Твитер:

@stephenfry Следите ли што се случува во #Сиди Боузид #Тунис ? Чудно е тоа што западните медиуми го свртија погледот оттука, за разлика од случајот со #Иран минатата година

И ДанерсБ, којашто го поминува своето време во Бејрут, Дубаи и Монтреал, забележува:

Вечен оптимист! @dr_davidson: Суровоста од страна на деспотот на #Тунис, #Бен Али, може да биде основа за случувањата во #Арапскиот свет следната деценија.

Од САД, HarvardDr, споменува пак, друг податок во врска со Иран – што овој пат се однесува на крајот на ерата на Шахот. Тој пишува (арапски):

Од Вашингтон, Пријанка Џозеф е запрепастена од ѕидот на тишина. Таа пишува:

Некој го снима Кундера. Срања се случуваат во #Тунис, а ниту збор за тоа на вестите овде (што не изненадува), ниту пак, на TTrends/моја временска зона.

Ен Екстен, од Данска, забележува:

Владата на #Тунис одговара на мирниот протест со муниција, безбедносна опсада, насилство http://goo.gl/rnL0p /@Elicoopter_mid @RamyRaoof

И од Холандија, Марк додава:

„Не сме задоволни од политиките во Тунис, не сме задоволни со ништо- не е само невработеноста“.#Тунис

Египетската писателка Мона Елтахави ги поттикнува нејзините колеги во медиумите храбро да се спротивстават:

Пријатели, особено вие што сте поврзани со медиумите, ве молам објавувајте на Твитер за #Тунис и #Сиди Боузид. Да го поддржиме отпорот на Тунижаните!

И Хишам Касем, исто така од Египет, е збунет:

Во меѓувреме, Портној, од Тајван се прашува:

За повеќе објави на Твитер за Тунис, проверете ги врските #Тунис и #Сиди Боузид