Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

Исплашеноста од цунамито по земјотресот во Карипскиот регион обелоденува слабo ниво на подготвеност

Напишано одEmma Lewis
Преведено одAngela Bileska

Преводи

Прочитај го овој напис на Español, عربي, English
Објавено на 22 јануари 2018 13:28 GMT

Слика од инфографик од видео од Јутјуб, што ги покажува областите под влијание на земјотресот со магнитуда од 7,6 степени кој потресе делови од Карибите и Централна Америка на 9 јануари 2018 година.

„Природата нѐ предупреди. Треба да послушаме.“, рече водителот на радио емисија во Јамајка Клиф Хјуз во неговата утринска програма, по помалку од дванаесет часа од ударот на подморскиот земјотрес со јачина 7,6 степени на брегот на Хондурас на 9 јануари.

За околу еден час, властите издадоа предупредување за цунами за Пуерто Рико, американските Девствени острови, Кајманските острови, Куба, Јамајка и други острови на Карибите, како и за бреговите на Мексико и Централна Америка, но потоа беше откажано.

Јачината на земјотресот беше повисока и од тресењето што го уништи Хаити на 12 јануари 2010 година, и ги одзеде животите на околу 200,000 луѓе (што всушност резултираше и со цунами).

Многумина пратија предупредувања на друштвените мрежи, но земјотресот удри кратко пред 22:00 часот по локално време, кога голем дел од луѓето веќе беа во кревет:

Според Центарот за предупредувања за цунами на Пацификот, можно е цунами со висина од околу 1 метар долж бреговите на Хондурас, Белизе, Кајмански Острови, Јужна Куба и Јамајка. [#Tsunami] Цунами; [“Honduras] Хондурас; [“Belize] Белизе; [#CaymanIslands] Кајмански Острови; [#Cuba] Куба; [#Jamaica] Јамајка

Мало цунами беше забележано на Кајманските Острови. Еден репортер за „Гласот на Америка“ постојано твиташе за ситуацијата:

Горе: Состанокот на советодавното тело за цунами за Порторико и Девствените Острови е откажан.
Долу: Мало цунами забележано во Џорџтаун, Кајмански Острови.

Кингстон, главниот град на Јамајка, се наоѓа на јужната брегова линија на островот, меѓу Сините Планини и Карипското море. Градоначалникот на Кингстон, Делрој Вилијамс, твитна со загриженост:

Координираното универзално време (КУВ) е пет часа напред од јамајканско време. Значи, ударот е предвиден за 23:18 часот. Ве молам бидете проактивни, во случај предвидувањата да се точни.

Забележувајќи дека јамајканските медиуми немаат доволен капацитет за студио за вести „24/7“, Клиф Хјуз ја посочи користа од Твитер во оваа ситуација:

Земјотресот доцна синоќа беше одлична лекција за нашите спасувачи. И посебно за нас медиумите. Ние едноставно не бевме подготвени за брзо да ја известиме државата за опасноста . Имаме работа, бидејќи не е дали туку кога. Твитер беше ептен корисен.

Предупредувања за цунами во живо

Многу жители на Јамајка чуле за земјотресот откако ги разбудиле загрижувачки пораки од другата страна на светот:

Се разбудив во 5 часот утрово со предупредувачка порака на „Ватсап“ пратена од ОК во 1:45 утрото по наше време. Немаше Интернет кога отидов да спијам. А ако навистина имаше опасност, како ќе бев предупреден?

Барем една заедница во Јамајка од Олд Харбор Беј има пилотско предупредување за цунами и некои жители се евакуираа:

Испаничени жители на Олд Харбор Беј ја напуштаат заедницата во голем број заради можната закана од цунами.

Властите во Порторико исто така накратко издадоа предупредување за цунами, но граѓаните на сличен начин беа начекани неспремни:

Ау ау! Само што се разбудив, што е ова цунами ШТО СЛУШАМ???? [#TsunamiPR] Цунами

Порторико се уште страда од огромните инфраструктурни штети по ураганот Марија лани, и системот за предупредување за цунами и официјално не работеше:

СЕГА на Пегаос ен ла мањана: Директорот на сеизмичката мрежа го прифаќа системот за предупредување за цунами „што не работи“ и вели дека поправките може да траат со месеци. [#PegaosEnLaMañana] Пегаос ен ла мањана

 

На Карипскиот брег на Белизе, нервозата се покачи кога морето изгледаше како да се повлекува. Од метеоролошкиот центар на Тринидад и Тобаго твитнаа:

30 минути по полноќ: Океанот сѐ уште се повлекува во Сан Педро. Заканата од цунами продолжува во Белизе и Хондурас.
Одете подалеку од брегот, ако живеете долж Карипските брегови на Хондурас и Белизе!
Видео: Брејкинг Њуз Белизе

Уште фотографии од повлекувањето на океанот од Сан Педро, Белизе. Одете подалеку од брегот!
Фотографии: Брејкинг Њуз Белизе

Еден жител на Белизе храбро прошол низ крајбрежните области, и објавил видеа во живо на Интернет, со тоа што додал дека полицијата ги расчистува погодените подрачја.

Иронично е тоа што земјотресот се случи во Неделата за свеста за земјотреси во Јамајка и другите острови. Од Агенцијата за справување со елементарни непогоди во долните Турки и Каикос острови твитнаа:

Денеска, противпожарната единица на ДДМЕ и ТЦИ спроведе вежба со симулирање пожар за владините седишта и приватните бизниси во Градскиот трговски центар, Провиденциалес. Имаше преку 70 учесници кои го користеа методот „пуштање, покривање и држење“ проследено со евакуација на зградата.

Но, загриженоста за протоколите за регионална комуникација се зголеми откако се издаде предупредување за цунами. На Хаити, барем системот работи:

Интернет компанијата на Хаити дава бесплатен пристап до владината сеизмолошка единица.

Но владините агенции во Јамајка немале доволно силно присуство на Интернет:

Толку е патетично што профилите на друштвените мрежи на важни владини агенции како @NWA_JA и @odpem не се ажурираат редовно – немаше предупредувања за цунами на профилот на Твитерот и на страницата на БПКСВС (Биро за подготвеност за катастрофи и справување во вонредни ситуации), а НЕМАШЕ ниту новости ниту мапа на профилот твитер/веб-страниците на АНР (Агенција за национални работи) за алтернативен пат до работите на патот кај Барбикан.

Наоѓање хумор и решенија во сериозна ситуација

И покрај стравот, сепак имаше време за вообичаениот Карипски хумор. Еден жител на Порторико на Твитер напиша:

По синоќешниот шок, се разбудив и внимателно го проверив планот за вонредни ситуации на моето семејство во случај на цунами. Го споделувам за и вие да можете да се подготвите и да си ги заштитие вашите животи  како и животите на вашите најмили. [ #tsunamiPR] цунами

Марвиа Лос, истакната религиозна фигура на Јамајка, се обиде најдобро што можеше да сврти на смешната страна, но знаеше дека ситуацијата беше сериозна:

[…]Tsunami Warning and Jamaica in the same sentence…and it's suddenly not so funny anymore […] I want to know, now what? How will these alerts be communicated to the citizenry that's not on Social Media, that lock off dem [their] radio at nights or [are] in other ways disconnected from the late-breaking news? Civil Defense Sirens in every town fi [will] wake up people? This is quite sobering I tell you.

[…] Предупредување за цунами и Јамајка во една иста реченица… и одеднаш не е така смешно […] сакам да знам што сега? Како овие предупредувања ќе бидат пренесени до граѓаните кои не се активни на друштвените медиуми, кои ги исклучуваат радијата навечер или на други начини не се поврзани со најновите вонредни вести? Сирените за цивилна одбрана ќе ги разбудат луѓето? Ова е сериозно, ви кажувам.

Како што продолжија дискусиите на традиционалните и друштвените медиуми, Бирото за подготвеност за катастрофи и справување во вонредни ситуации (БПКСВС) доби предлози за зголемување на нивното присуство на Интернет:

Порака до @JAODPEM – Предлагам штом има закана од катастрофа
– пратете итно известување до сите медиуми
– објавете итни известувања на сите можни друштвени мрежи
– поврзете се со @djmillerja @GiovanniRDennis @dennisbroox @AbkaFitzHenley @petchary, @dennisgjones, @marciaforbes и со мене за помош.

Градоначалникот на Кингстон, Вилијамс исто упати:

Мора да учиме од ова искуство и да работиме заедно за подобрување на нашите системи за подготвеност/предупредување за елементарна непогода. Природните катастрофи се често непредвидливи, па претпазливоста и проактивниот пристап се секогаш добредојдени. [#EarthquakeAwareness] Свест за земјотреси [#DisasterPreparedness] Подготвеност за катастрофи 

Многу држави на Карибите со богат историјат од земјотреси имаат голем број лекции од кои навистина може да се научи.

Категории

Региони
Теми
Creative Commons License
Напишано одEmma Lewis
Преведено одAngela Bileska

Најнови написи од Кариби

Повеќе »

Најнови написи

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.

Овој сајт е лиценциран под Криејтив комонс - Наведи извор 3.0 Creative Commons License Некои права задржани