Ги гледате сите јазици горе? Ние го преведуваме Global Voices за да ги направиме светските граѓански приказни достапни за сите.

Дознај повеќе за преводите од Lingua  »

Сирија: Нека паѓа снег!

Ова беше бурна седмица на невообичаени временски услови за голем дел од Левант во текот на која поројни дождови и изненадувачки снег ја прекрија областа. Во сирискиот главен град улиците се покриени со снег за прв пат по многу години. Иако, од небото над Дамаск од време на време паѓа по некоја снегулка, ретко кога се задржува на земјата. Еден блогер, 50% Сириец, е восхитен од случувањата:

За најголемиот дел на млади луѓе од Дамаск (од 20 до 30 и некоја година), ова е прв пат во нивниот живот да видат снег во Дамаск. Во еден извештај кој штотуку го прочитав пишува дека во овој прекрасен град полн со дух и душа, последен пат паднал снег пред 25 години. Но, според мојот свекор тоа било пред 50-тина години… и оттогаш тој не видел снег по улиците на сирискиот главен град.

Пред да се преселам во овој град кој толку многу го ценам и обожувам, јас живеев во и надвор од Дамаск во текот на многу годишни времиња, но ова е прв пат во мојот 30 и нешто годишен живот да видам како снег, толку мирно и спокојно снежи од небото, исполнувајќи ме со надеж и љубов повеќе од било што друго.

Фотографија на Мустафа Хамидо, Проект Алепус (Aleppous Project)

Зошто толку Сирија? (Why so Syria?) се опишува себе си како мексиканска aмериканка во Дамаск по потекло од Бостон. Токму поради тоа таа беше особено изненадена кога се разбуди гледајќи снег насекаде. Блогерката пишува:

Во ред, до Божиќ има само уште неколку дена, но утринава во Дамаск се разбудивме со снег во изобилство. Какво неочекувано и пријатно изненадување! Како што поспано ги отворив очите и погледнав низ прозорецот, за момент помислив дека се уште сум во Бостон…

…Овој град секогаш е полн со изненадувања. Токму кога ќе помислиш дека си дознал сѐ за местото, ОП — СНЕГ! Да не ти се верува.

Фотографија на блогерката Why So Syria?

За несреќа, сирискиот блогер Аиман Ашур (Ayman Ashour) ги пропушти снежните врнежи. Тој духовито забележува:

نحن المحرومون من روعة البرد هدية الثلج الجميلة نناشدكم إرسال بعض الصورعلنا نخفف من شدة احتجاج الأبناء علينا ومطالبتهم لنا بأن يلعبوا بالثلج مثلما لعبنا به
Ние кои сме лишени од убавината на студот и прекрасниот подарок наречен снег бараме од вас да ни пратите слики за да можеме да ги смириме негодувањата и исполниме желбите на нашите деца да си играат со снег како што тоа некогаш го правевме ние.

Еден сириски сателитски телевизиски канал го сподели овој прекрасен видео запис на ЈуТјуб (YouTube), кој ја прикажува убавината на снежните врнежи во Дамаск:

Заслуга за прва фотографија: Мостафа Хамидо, Проект Алепус (Aleppous Project)

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.