Ги гледате сите јазици горе? Ние го преведуваме Global Voices за да ги направиме светските граѓански приказни достапни за сите.

Дознај повеќе за преводите од Лингва  »

Од посетителите на Палау сега се бара да потпишат заклетва за почитување на животната средина

На посетителите на Палау исто така им се прикажува и видео за време на летот, кое ја раскажува приказната за џин кој бил учен од децата да ја почитува животната средина. Сликата е од веб-страницата на „Заклетвата на Палау“.

Со цел да ја промовира грижата за животната средина, владата на Палау сега бара од посетителите да потпишат еко-заклетва во нивните пасоши пред да им биде издадена виза при нивното пристигнување. Програмата позната како „Заклетвата на Палау“ е првата реформа поврзана со имиграција во светот која за цел ја има заштитата на животната средина.

Палау е мал архипелаг кој се наоѓа на западната страна на Пацификот. Бројот на населението изнесува околу 20,000 жители, но повеќе од 160,000 туристи ја посетуваат островската нација секоја година.

На 6 декември 2017, претседателот на Палау, Томи Ременгесау, издаде одлука со која им нареди на имиграционите власти да ја користат „Заклетвата на Палау“ на печатите за виза. Одлуката ја изрази и негативната страна на „непланиранот туризам, климатските промени и други моментни закани“ на животната средина во земјата која ја примораа владата да ја направи заклетвата како дел од промоцијата на „туризам со свест“.

Подолу е текстот од заклетвата кој се става како печат на пасошите:

Children of Palau, I take this pledge, as your guest, to preserve and protect your beautiful and unique island home. I vow to tread lightly, act kindly and explore mindfully. I shall not take what is not given. I shall not harm what does not harm me. The only footprints I shall leave are those that will wash away.

Деца на Палау, давам заклетва, како Ваш гостин, дека ќе го чувам и штитам Вашиот уникатен и убав островски дом. Се колнам дека ќе чекорам лесно, ќе бидам љубезен и ќе истражувам со внимание. Нема да го земам она кое не се дава. Нема да му наштетам на она што не ми штети мене. Единствените стапки кои ќе ги оставам се оние кои ќе се измијат.

Печат за пасош од „Заклетвата на Палау“. Слика од официјалната веб-страница на кампањата.

Еден од оние кои изразија поддршка за кампањата на Палау за зачувување на животната средина беше холивудскиот актер Леонардо ДиКаприо.

Со гордост ја поддржувам Заклетвата на Палау, нова иницијатива за зачувување за посетителите. Напишана е со помош на децата на Палау, секој посетител мора да положи заклетва за зацелување и обезбедување на природната животна средина за идните генерации. Видете повеќе на: [#PalauPledge] Заклетва на Палау

Покрај пеењето на заклетвата, на посетителите им се покажува и видео при летот кое ја раскажува приказната за „несмасен, безгрижен џин – претставник на развиениот туризам во најлошо светло – кој доаѓа на Палау, и ѝ штети на животната средина.“ Џинот успеваат да го разубедат деца од Палау да биде повнимателен со животната средина. Тие го потсетуваат да биде внимателен со своето однесување за да не им наштети на коралните гребени, да не ги загади водите и да не ја навреди локалната култура.

„Заклетвата на Палау“ беше поздравена во многу новински извештаи како иновативна кампања. Претседателот Ременгесау се надева дека и другите држави ќе применат слична иницијатива. Тој додаде и дека реакцијата кај туристите била позитивна:

We have been monitoring the airport, surveying the feedback from them, and everyone is saying we didn't know that this information or facts were there before.

Го набљудувавме аеродромот, добивавме повратни информации од нив, и сите велат дека не знаеле дека овие информации или факти претходно постоеле.

Корисник на Твитер сакал кампањата да биде поврзана и со други активности со што би се зголемило влијанието на кампањата:

Ова е неверојатно! Да за Заклетвата на Палау. Се прашувам како би се применила на копното – заклетва е супер идеја, но има ли образование заедно со неа? [#PalauPledge] Заклетва на Палау

Загриженоста е оправдана, а од друга страна Палау размислува за пуштање на нова наставна програма за учениците која ќе „помогне во изградбата на еко-свеста кај идните лидери и свесностa кај бизнис-принципите во секторот за туризам“.

Исто така, во Палау се означени 500,000 квадратни километри водена површина како резерват каде комерцијалниот риболов и ископувањето нафта се забранети.

„Заклетвата на Палау“ не е само за туристи кои доаѓаат во земјата. Корисниците на Интернет, можат да ја потпишат заклетвата на веб-страницата на кампањата. Од моментот на објавување на овој напис,18,598 лица виртуелно ја потпишаа заклетвата, вклучувајќи го и овој автор.

Заклетвата на Палау, потпишана од Монг.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.