Ги гледате сите јазици горе? Ние го преведуваме Global Voices за да ги направиме светските граѓански приказни достапни за сите.

Дознај повеќе за преводите од Lingua  »

Боливија: Недостаток на вода поради топењето на глечерите

Во палнинскиот венец на Чакалтаја (Chacaltaya) се содржат некои од најсимболичните врвови на планините Анди во Боливија. Бидејќи некогаш беше едно од неколкуте места за скијање во оваа планинска земја, овие планини се добро познати на оние во одделот Ла Паз, како и за странските авантуристи. Планините исто така беа домаќин на добротворни фудбалски натпревари во кои учествуваше и боливискиот претседател Ево Моралес (Evo Morales), обидувајќи се да докаже дека спортот може да се игра на големи височини.

Сепак, глечерот Чакалтаја (Chacaltaya) полека се повлекуваше со загрижувачко и брзо темпо. Ефектите од климатските промени врз овој и другите глечери во регионот беа дел од истражувањето на високорангираниот професор Едисон Рамирез (Edson Ramírez) на Универзитет во Сан Андреас, кој заклучува дека има  директна врска [шпански] помеѓу глобалното затоплување и исчезнувањето на глечерите.

Рамирез и неговиот тим исто така проучуваа и друг глечер во близина кој е во процес на слични промени и за неговиот ефект врз локалното  население. Глечерот Туни Кондорири (Tuni Condoriri) се топи со брзо темпо, влиаејќи врз алпинистите, но исто така и врз ранливото миграциско население кое зависи од него со вода за пиење и извршување на земјоделски активности.

Резервоарот што ја собира водата од глечерот обезбедува 80% од водата за пиење во Ел Алто (El Alto) и предградијата на Ла Паз (La Paz). Според последниот попис, Ел Алто (El Alto) има наслеление од  827,000 жители [шпански], кое се зголемува секоја година со стапка од  5.1% годишно. Според новинарот и блогерот Моника Облитас (Mónica Oblitas), оваа стапка е двојно повеќе од државниот просек [шпански]. Експертите предвидуваат дека ќе има недостаток и повисоки цени на водата, заедно со некои луѓе кои предвидуваат дека е неминовно рационалното користење на водата [шпански]. Тим од Observador Global [шпански] (Глобален набљудувач) изготви видео серии во 6 дела за ефектите од идниот недостаток на вода во овој регион.

Градот е дом на мигранти од Алмара, домородни заедници од Антиплано (Altiplano) во Боливија, кои се сместени во Ел Алто(El Alto), најчесто во осиромашени услови. Блогерот од Боливија Кристина Ќисберт (Cristina Quisbert) на блогот Боливија со домородно население (Indigenous Bolivia) ја опишува ситуацијата со која многу жители се соочуваат за да имаат поволни услови за вода за пиење:

Дополнителни услови, тежок  пристап до вода. Многу луѓе пристигнуваат од рурална област во Ел Алто и се населуваат каде можат. Поради недостатокот на пари, тие живеат во населби каде што нема ниту вода за пиење, ниту канализациска мрежа. Некои од нив копаат дупка длабока околу три метри се додека не најдат вода. Повеќе или помалку, во ноември, започнува дождливо време и тоа е друга можност за соседите да собираат вода. На крајот, недостатокот на вода доведува до многу болести кај сиромашното население.

Постои хетерогеност на ситуации. Имам вода дома, но некои од моите соседи немаат. Ова е сериозен проблем за семејствата. Во мојот случај, јас ја делам вода со друго семејство. Басилио и Хуана имаат четири деца. Тие имаат изнајмен дом. Во куќата каде што живеат нема вода за пиење. Секогаш кога им е  потребна, зимаат со црево од мојата куќа и на крајот на месецот ја делиме сметката за  вода.

Сепак, Туни Кондорири (Tuni Condoriri), не само што обезбедува вода за пиење на градот, но исто така дава  вода за земјоделските активности на Алтипано (Altiplano). Ако одржливите земјоделски активности се намалат поради недостигот на вода, многу од руралните жители можеби ќе  бараат можности во Ел Алто, каде што можат да се соочат со слични услови на недостиг од вода, а зголемување на побарувачката.

Активисти на 350.org се качија на глечерот Чакалтаја

Активисти на 350.org се качија на глечерот Чакалтаја (Chacaltaya) во Боливија во подготовка за главниот настан на 24 октомври. Сликата е под Криејтив комонс лиценца.

Тоа е висок профил на сликата на глечерот Чакалтаја (Chacaltaya) што го привлекува вниманието од локалната самоуправа и други официјални активистички групи за проблемот со климатските промени во Западна Боливија. Еден неодамнешен локален настан поврзан со кампањата 350.орг беше рекламиран на Фејсбук [шпански], поканувајќи  ги граѓаните на Боливија да се изведе една  екскурзија на глечерот Чакалтаја (Chacaltaya) за да се уверат во ефектите.

На крај, Обилитас (Oblitas) дава заклучок со следниве прашања [шпански]:

Chacaltaya ya no está y pronto dejarán de existir otros glaciares, ¿está el país preparado para esas pérdidas?, ¿somos conscientes de la importancia de tomar un rol activo e inmediato contra el calentamiento? Para muchos, el cambio climático no es un fenómeno global y no creen sentirse afectados, pero lo cierto es que absolutamente todos estamos en riesgo y no todos podemos enfrentarlo en las mismas condiciones. La lucha continúa, aunque ya sea tarde para lugares como Chacaltaya.

Чакалтаја (Chacaltaya) ја нема повеќе и набрзо, ќе снема и други глечери. Дали државата е подготвена за овие загуби? Дали сме свесни за важноста на преземањето активна и непосредна улога против глобалното затоплување? За многумина, климатските промени не се глобален феномен и не се чувствуваат погодени, но навистина, секој е во опасност и не може секој да се соочи со тоа во исти услови. Борбата продолжува, иако тоа е премногу доцна за места како Чакалтаја (Chacaltaya).

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.