Ги гледате сите јазици горе? Ние го преведуваме Global Voices за да ги направиме светските граѓански приказни достапни за сите.

Дознај повеќе за преводите од Lingua  »

Куба: Укинување на 500.000 работни места

Веднаш по признанието на Фидел Кастро (а подоцна порекнувањето) дека кубанскиот економски модел не функционира повеќе, владата најави [шпански] дека има намера да скрати огромен број на државни работни места, со цел да се вдахне малку живот во борбената економија на островот.

Кубанскиот триаголник на вестите вели:

Насловот е кроток: „Изјава од централата на работници во Куба“.

Веста е огромна: 500.000 отпуштања до следниот мај, со паралела на зголемување во приватниот сектор“.

Ако се спроведе во целост, голема експанзија на приватниот сектор на Куба ќе придобие повеќе илјадници кубански семејства и ќе им даде можност на кубанските Американци преку парична пратка да има помогнат на своите роднини во Куба кои ќе работат сами.

Ел Кафе Кубано е малку поцинично:

Комунистичка Куба најави дека ќе скрати еден милион државни работни места и ПОД ПРЕТПОСТАВКА ќе ги охрабри малите бизниси. Се прашувам дали ова има врска со ТОТАЛНАТА НЕКОМПЕТЕНТНОСТ на кубанското диктаторство: Наскоро ќе почнеме да слушаме дека тоа е вина на неподносливите азиланти или на ембаргото.

Се прашувам само дали некои од тие државни работи се:

-Стражарите во затворите каде што се држат политички затвореници?
-одржување на целиот кастро клан? (овде можат да се заштедат МИЛИОНИ!)

Хавана Тајмс ја цитира Кубанската работничка федерација (ЦТЦ), која го опишува потегот како „план да се „ажурира“ кубанскиот економски модел и плановите за економијата за периодот од 2011 до 2015 година“, додавајќи:

Кога кубанските медиуми контролирани од владата известуваат за отпуштања во капиталистичка земја, тие рутински се објаснети како нехумани мерки да се добие профитабилност од бизнисите како и да се покаже неспособноста на системот да го гарантира вработувањето на сите работници.

Сега, во презентирањето на програмата за масовни отпуштања во локалниот печат, се прикажува како нешто позитивно за општествениот систем на земјата оптоварен од вишокот на работници во џиновскиот државен сектор.

Оние кои не се заинтересирани ќе имаат можност да се вработат самите или да се приклучат кон друга приватна иницијатива како на пример кооперативи. Деталите за тоа како ќе се дозволи работењето на самовработените и на соработниците допрва ќе се објават.

Ел Јума шпекулира дали мерките ќе го предвидат само тоа – враќањето на самовработувањето во Куба, а Кубанскиот Триаголник, во објава што следеше, наведува неколку длабоки набљудувања:

- Бројката од 500.000 луѓе е застрашувачка – создава слика на 500.000 кубански работници кои си одат дома со розово ливче, незнаејќи каде ќе одат наредното утро и на економијата на која наеднаш ќе треба да создаде 500.000 нови работни места.

- Самовработувањето или работа за сопствена сметка, е уште еден извор на ново вработување. Многумина сигурно ќе ја поздрават можноста да добијат дозвола за да можат да престанат со тајното работење. Има повеќе илјадници Кубанци во оваа категорија…

- Кубанците ја повикуваа владата да ги претвори малите државни претпријатија во кооперативи во градовите, најпосле, тие се вид на сопственост кои се дозволени со години во селата од страна на Куба. Ова ќе биде интересно да се види. Претворањето е лесно, но профитабилноста ќе зависи од работниците и од правилата под кои работат.

- Минатиот пат ги анкетирав самовработените и открив дека оние кои што работеа со пезоси заработуваа повеќе од тројно од просечната државна плата. Овде пак, правилата ќе бидат важни…

Хавана Тајмс ја сумира целата ситуација на овој начин:

Неизбежната загуба на работни места покрена нови грижи во Куба, но исто така и нови погледи, очекувања и прашања во однос на ширењето на приватните претпријатија, бидејќи сè уште не се обелоденети новиот даночен режим и гаранциите за тоа како би функционирал системот.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.